ਅਦਬੀ ਮੇਲਾ ਲੰਡਨ-2026 ਕੁਝ ਕਾਰਨਾਂ ਕਰਕੇ ਮੁਲਤਵੀ
ਗੁਰਵਿੰਦਰ ਸਿੰਘ ਚਹਿਲ ਚੀਮਾ ਮੰਡੀ : ‘ਏਸ਼ੀਅਨ ਲਿਟਰੇਰੀ ਅਤੇ ਕਲਚਰਲ ਫੋਰਮ ਯੂ ਕੇ ਵੱਲੋਂ ਹਰ ਸਾਲ ਜੁਲਾਈ ਵਿੱਚ ਲੰਡਨ (ਸਾਊਥਾਲ)ਵਿਖੇ ਹੋਣ ਵਾਲਾ ਵਿਸ਼ਵ ਪ੍ਰਸਿੱਧ 'ਅਦਬੀ ਮੇਲਾ -2026' ਕੁਝ ਨਾ ਟਾਲੇ ਜਾਣ ਵਾਲੇ ਕਾਰਨਾਂ ਕਰਕੇ ਮੁਲਤਵੀ ਕਰ ਦਿੱਤਾ ਗਿਆ ਹੈ।ਸ਼ਾਇਰ ਸਤਪਾਲ ਭੀਖੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਅਦਬੀ ਮੇਲੇ ਦੇ ਮੁੱਖ ਕਾਮੇ ਸ਼ਾਇਰ ਅਜ਼ੀਮ ਸੇਖਰ, ਸ਼ਾਇਰ ਰਾਜਿੰਦਰਜੀਤ ਤੇ ਅਬੀਰ ਬੁੱਟਰ ਨੇ ਦੱਸਿਆ ਕਿ ਜੁਲਾਈ- 26 ਦੇ ਅਦਬੀ ਮੇਲੇ ਦੇ ਪ੍ਰੋਗਰਾਮ ਉਲੀਕ ਲਏ ਗਏ ਸਨ ਪਰ ਟੀਮ ਦੇ ਪਰਿਵਾਰਾਂ 'ਚ ਅਣ-ਸੁਖਾਵੀਆਂ ਘਟਨਾਵਾਂ ਕਰਕੇ ਇਹ ਮੇਲਾ ਫ਼ਿਲਹਾਲ ਮੁਲਤਵੀ ਕਰ ਦਿੱਤਾ ਗਿਆ ਹੈ ਤੇ ਟੀਮ ਵੱਲੋਂ ਆਉਣ ਵਾਲੇ ਸਮੇਂ 'ਚ ਅਗਲੇਰੇ ਪ੍ਰੋਗਰਾਮ ਬਾਰੇ ਜਾਣਕਾਰੀ ਦੇ ਦਿੱਤੀ ਜਾਵੇਗੀ।ਉਹਨਾਂ ਦੁਨੀਆਂ ਦੇ ਤਮਾਮ ਸਾਹਿਤਿਕ ਸੱਭਿਆਚਾਰਕ ਲੇਖਕਾਂ ਪਿਆਰਿਆਂ ਦਾ ਧੰਨਵਾਦ ਕਰਦਿਆਂ ਅਪੀਲ ਕੀਤੀ ਹੈ ਕਿ ਉਹਨਾਂ ਵੱਲੋਂ ਮਿਲੇ ਭਰਪੂਰ ਸਹਿਯੋਗ ਕਰਕੇ ਹੀ ਹੁਣ ਤੱਕ ਦੇ ਯਾਦਗਾਰੀ ਸਮਾਗਮ ਸੰਭਵ ਹੋ ਸਕੇ ਹਨ।ਨਵੀਂ ਵਿਉਂਤਬੰਦੀ ਨਾਲ ਭਵਿੱਖ ਦੇ ਸਮਾਗਮ ਹਰ ਸਾਲ ਨਿਰੰਤਰ ਹੁੰਦੇ ਰਹਿਣਗੇ।
