ਸਰਕਾਰੀ ਪ੍ਰਾਇਮਰੀ ਸਕੂਲ ਸਤੀਕੇ ਨੇ ਲਗਾਤਾਰ ਦੂਜੀ ਵਾਰ ਜਿੱਤੀ ਓਵਰ ਆਲ ਟਰਾਫ਼ੀ
ਗੁਰਵਿੰਦਰ ਸਿੰਘ ਚਹਿਲ,ਹੀਰੋਂ ਖੁਰਦ : ਸਰਕਾਰੀ ਪ੍ਰਾਇਮਰੀ ਸਕੂਲ ਕਲੀਪੁਰ ਵਿਖੇ ਕਰਵਾਈਆਂ ਗਈਆਂ ਕਲੱਸਟਰ ਕੁਲਾਣਾ ਨਾਲ ਸਬੰਧਿਤ ਪ੍ਰਾਇਮਰੀ ਸਕੂਲ ਖੇਡਾਂ ਵਿੱਚ ਸਖ਼ਤ ਮੁਕਾਬਲੇ ਹੋਏ ਜਿਸ ਵਿੱਚ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਸਤੀਕੇ ਨੇ 9 ਵੱਡੀਆਂ ਖੇਡਾਂ ਜਿੱਤਾਂ ਪ੍ਰਾਪਤ ਕੀਤੀਆਂ। ਅਧਿਆਪਕ ਜੁਗਿੰਦਰ ਸਿੰਘ ਬਰੇ ਨੇ ਜਾਣਕਾਰੀ ਦ ਦੱਸਿਆ ਕਿ ਕਬੱਡੀ ਸਰਕਲ ਮੁੰਡਿਆਂ ਨੇ ਪਹਿਲਾ,ਮਿੰਨੀ ਹੈਂਡਬਾਲ ਕੁੜੀਆਂ ਤੇ ਮੁੰਡਿਆਂ ਨੇ ਪਹਿਲਾ, ਫੁਟਬਾਲ ਮੁੰਡੇ ਤੇ ਕੁੜੀਆਂ ਨੇ ਪਹਿਲਾ,ਬੈਡਮਿੰਟਨ ਕੁੜੀਆਂ ਨੇ ਪਹਿਲਾ,ਸ਼ਤਰੰਜ ਮੁੰਡਿਆਂ ਨੇ ਪਹਿਲਾ ਤੇ ਕੁੜੀਆਂ ਨੇ ਦੂਜਾ,ਕਬੱਡੀ ਨੈਸ਼ਨਲ ਕੁੜੀਆਂ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ।ਇਸ ਤੋਂ ਇਲਾਵਾ ਰਿਲੇਅ ਦੌੜ ਮੁੰਡਿਆਂ ਨੇ ਪਹਿਲਾ , ਰਿਲੇਅ ਦੌੜ ਕੁੜੀਆਂ ਨੇ ਤੀਜਾ 200ਮੀ ਰੇਸ ਮੁੰਡਿਆਂ ਨੇ ਪਹਿਲਾ ਅਤੇ ਦੂਜਾ, ਲੰਬੀ ਛਾਲ ਮੁੰਡਿਆਂ ਨੇ ਦੂਜਾ, ਲੰਬੀ ਛਾਲ ਕੁੜੀਆਂ ਨੇ ਪਹਿਲਾ, 600 ਮੀਟਰ ਦੌੜ ਮੁੰਡਿਆਂ ਨੇ ਪਹਿਲਾ ਅਤੇ ਦੂਜਾ, 100 ਮੀਟਰ ਦੌੜ ਕੁੜੀਆਂ ਨੇ ਦੂਜਾ,200 ਮੀਟਰ ਕੁੜੀਆਂ ਨੇ ਦੂਜਾ,600 ਮੀਟਰ ਕੁੜੀਆਂ ਨੇ ਦੂਜਾ ਅਤੇ ਤੀਜਾ ਸਥਾਨ ਪ੍ਰਾਪਤ ਕਰਕੇ ਜਿਥੇ ਲਗਾਤਾਰ ਦੂਜੀ ਵਾਰ ਕਲੱਸਟਰ ਕੁਲਾਣਾ ਦੀ ਓਵਰ ਆਲ ਟਰਾਫ਼ੀ 'ਤੇ ਜਿੱਤ ਪ੍ਰਾਪਤ ਕੀਤੀ ਅਤੇ ਨਾਲ ਹੀ ਬਲਾਕ ਪੱਧਰੀ ਖੇਡਾਂ ਲਈ ਵੀ ਆਪਣਾ ਰਾਹ ਪੱਧਰਾ ਕੀਤਾ। ਸਕੂਲ ਦੀ ਇਸ ਪ੍ਰਾਪਤੀ ਸਬੰਧੀ ਸਕੂਲ ਮੁਖੀ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਇਹ ਸਮੂਹ ਅਧਿਆਪਕਾਂ ਦੀ ਮਿਹਨਤ ਅਤੇ ਪਿੰਡ ਵਾਸੀਆਂ ਦੇ ਸਹਿਯੋਗ ਦਾ ਨਤੀਜਾ ਹੈ।ਸਕੂਲ ਵਿੱਚ ਪਹੁੰਚੇ ਪਿੰਡ ਦੀ ਸਮੂਹ ਪੰਚਾਇਤ ਅਤੇ ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਮੈਂਬਰ ਅਤੇ ਚੇਅਰਮੈਨ ਗੁਰਪ੍ਰੀਤ ਸਿੰਘ,ਸਰਪੰਚ ਪਰਮਜੀਤ ਕੌਰ,ਸਮਾਜ ਸੇਵੀ ਗੁਰਦੀਪ ਸਿੰਘ,ਸਤਨਾਮ ਸਿੰਘ ਪੰਚ,ਭੋਲਾ ਸਿੰਘ ਪੰਚ,ਦਲੀਪ ਸਿੰਘ ਪੰਚ,ਮਿਡ ਡੇ ਮੀਲ ਵਰਕਰ ਗੁਰਮੇਲ ਕੌਰ ਅਤੇ ਵੀਰਾਂ ਕੌਰ,ਗੁਰਵਿੰਦਰ ਸਿੰਘ ਕਿਸਾਨ ਆਗੂ, ਖੁਸ਼ਵੰਤ ਸਿੰਘ ਲਾਇਨਮੈਨ, ਬਾਬਾ ਰਾਮ ਸਿੰਘ, ਬਾਬਾ ਕੋਮਲ ਸਿੰਘ, ਗੁਰਜੰਟ ਸਿੰਘ, ਗੁਰਦੀਪ ਸਿੰਘ ਚਹਿਲ, ਦਰਸ਼ਨ ਦੀਨ, ਗੁਰਪ੍ਰੀਤ ਸਿੰਘ ਵੜੈਚ, ਮਿਸਤਰੀ ਗੁਰਪ੍ਰੀਤ ਸਿੰਘ , ਬਿੱਕਰ ਸਿੰਘ, ਸੁਖਜਿੰਦਰ ਕੌਰ, ਜਸਵਿੰਦਰ ਕੌਰ, ਬਲਜੀਤ ਬੇਗਮ, ਡਾ. ਵੀਰਾਂ ਕੌਰ,ਸਮੇਤ ਪਿੰਡ ਵਾਸੀਆਂ ਨੇ ਸਕੂਲ ਦੇ ਵਿਹੜੇ ਪਹੁੰਚ ਕੇ ਬੱਚਿਆਂ ਦਾ ਹੌਸਲਾ ਵਧਾਇਆ।ਖੇਡ ਇੰਚਾਰਜ ਅਧਿਆਪਕ ਸਿਕੰਦਰ ਸਿੰਘ, ਜੋਗਿੰਦਰ ਸਿੰਘ ਅਤੇ ਪਰਮਜੀਤ ਕੌਰ ਨੇ ਦੱਸਿਆ ਕਿ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਬੁਢਲਾਡਾ ਅਮਨਦੀਪ ਸਿੰਘ, ਕਲੱਸਟਰ ਸਕੂਲ ਮੁਖੀ ਬਲਵਿੰਦਰ ਸਿੰਘ ਨੇ ਸਕੂਲ ਵਿੱਚ ਬੱਚਿਆਂ ਦੀ ਗਿਣਤੀ ਘੱਟ ਹੋਣ ਦੇ ਬਾਵਜੂਦ ਵੱਡੀ ਪ੍ਰਾਪਤੀ ਦੱਸਦਿਆਂ ਬਲਾਕ ਖੇਡਾਂ ਵਿੱਚ ਚੰਗੀ ਪ੍ਰਾਪਤੀ ਦੀ ਉਮੀਦ ਪ੍ਰਗਟਾਈ।
