ਪਹਿਲੀ ਜੁਲਾਈ 2024 ਤੋਂ ਤਨਖ਼ਾਹ ਵਿੱਚ 5 ਫੀਸਦ ਵਾਧਾ ਦੇਣ ਲਈ ਡੀਈਓ ਐਲੀਮੈਂਟਰੀ ਸਿੱਖਿਆ ਨੂੰ ਦਿੱਤਾ ਮੰਗ ਪੱਤਰ
ਹੀਰੋਂ ਖ਼ੁਰਦ,24 ਜਨਵਰੀ (ਗੁਰਵਿੰਦਰ ਸਿੰਘ ਚਹਿਲ) : ਨੈਸ਼ਨਲ ਬਿਲਡਰਜ਼ ਸਕੀਮ ਤਹਿਤ 29 ਜੁਲਾਈ 2023 ਨੂੰ ਭਰਤੀ ਕੀਤੇ ਗਏ ਐਸੋਸੀਏਟ ਅਧਿਆਪਕ ਅਤੇ ਪ੍ਰੀ ਪ੍ਰਾਇਮਰੀ ਐਸੋਸੀਏਟ ਅਧਿਆਪਕਾਂ ਸੂਬਾ ਸਰਕਾਰ ਵੱਲੋਂ ਹਰ ਵਰ੍ਹੇ ਇਹਨਾਂ ਦੀ ਤਨਖ਼ਾਹ ਵਿੱਚ 5 ਫ਼ੀਸਦ ਵਾਧਾ ਦਰਜ਼ ਕਰਨਾ ਹੈ ਪੰਜਾਬ ਸਰਕਾਰ ਵੱਲੋਂ ਸੂਬੇ ਦੇ ਕਈ ਜਿਲਿਆਂ ਦੇ ਅਧਿਆਪਕਾਂ ਨੂੰ ਸਿਰਫ ਜੁਲਾਈ 2024 ਵਿੱਚ ਸਿਰਫ 29,30 ਅਤੇ 31 ਜੁਲਾਈ ਤਿੰਨ ਦਿਨਾਂ ਅਨੁਸਾਰ ਤਨਖ਼ਾਹ ਵਿੱਚ ਪੰਜ ਫੀਸਦ ਵਾਧਾ ਕੀਤਾ ਗਿਆ ਸੀ,ਜਿਸ ਨੂੰ ਲੈ ਕੇ ਪ੍ਰੀ ਪ੍ਰਾਇਮਰੀ ਐਸੋਸੀਏਟ ਯੂਨੀਅਨ ਮਾਨਸਾ ਦੇ ਜ਼ਿਲ੍ਹਾ ਪ੍ਰਧਾਨ ਮੇਜਰ ਸਿੰਘ ਭਾਦੜਾ,ਰਾਜਪਾਲ ਸਿੰਘ ਰਾਮਾਨੰਦੀ,ਚਰਨਪਾਲ ਸਿੰਘ ਦਸਾਉਂਧੀਆ, ਜਸਵਿੰਦਰ ਸਿੰਘ ਕਾਮਰੇਡ ਮਾਨਸਾ, ਅਮਰਿੰਦਰ ਸਿੰਘ ਭੰਮੇ,ਗੁਰਪ੍ਰੀਤ ਸਿੰਘ ਭੀਖੀ ਅਤੇ ਡੀਟੀਐਫ ਦੇ ਜ਼ਿਲ੍ਹਾ ਪ੍ਰਧਾਨ ਕਰਮਜੀਤ ਸਿੰਘ ਤਾਮਕੋਟ ਦੀ ਅਗਵਾਈ ਹੇਠ ਜ਼ਿਲ੍ਹਾ ਸਿੱਖਿਆ ਅਫਸਰ ਮਾਨਸਾ (ਐਲੀਮੈਂਟਰੀ ਸਿੱਖਿਆ) ਭੁਪਿੰਦਰ ਕੌਰ ਨੂੰ ਮਿਲਿਆ। ਉਕਤ ਆਗੂਆਂ ਨੇ ਮੰਗ ਪੱਤਰ ਦਿੰਦਿਆਂ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ, ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਤੇ ਸਿੱਖਿਆ ਵਿਭਾਗ ਤੋਂ ਮੰਗ ਕੀਤੀ ਹੈ ਕਿ ਉਹਨਾਂ ਨੂੰ ਤਨਖਾਹ ਵਿੱਚ ਪੰਜ ਫੀਸਦ ਵਾਧਾ ਪਹਿਲੀ ਜੁਲਾਈ 2024 ਤੋਂ ਦਿੱਤਾ ਜਾਵੇ।
