ਸੈਲਫ ਹੈਲਪ ਗਰੁੱਪ ਬਣਾ ਕੇ ਇਸਤਰੀਆਂ ਆਪਣੀ ਆਮਦਨ ਵਧਾ ਸਕਦੀਆਂ ਹਨ : ਪ੍ਰਿੰਸੀਪਲ ਬੁੱਧ ਰਾਮ ਵਿਧਾਇਕ
ਖੁਸ਼ਪ੍ਰੀਤ ਸਿੰਘ ਚਹਿਲ,ਹੀਰੋਂ ਖ਼ੁਰਦ : ਹਲਕਾ ਵਿਧਾਇਕ ਪ੍ਰਿੰਸੀਪਲ ਬੁੱਧ ਰਾਮ ਵੱਲੋਂ ਪਿੰਡ ਫੁੱੱਲੂਵਾਲਾ ਡੋਗਰਾ ਵਿਖੇ ਸੈਲਫ ਹੈਲਫ ਗਰੁਪਾਂ ਵਲੋਂ ਚਲਾਈਆਂ ਤਿੰਨ ਦੁਕਾਨਾਂ 2 ਪ੍ਰਚੂਨ ਦੀਆਂ ਅਤੇ ਇੱਕ ਚੱਪਲਾਂ ਬਣਾਉਣ ਦੀ ਦੁਕਾਨ ਦਾ ਉਦਘਾਟਨ ਕੀਤਾ ਜਿਸ ਵਿੱਚ ਕਿ ਉਹਨਾਂ ਵੱਲੋਂ ਸੈਲਫ ਹੈਲਪ ਗਰੁੱਪਾਂ ਦੀ ਬਹੁਤ ਪ੍ਰਸੰਸਾ ਕੀਤੀ ਗਈ ਤੇ ਉਹਨਾਂ ਨੂੰ ਅੱਗੇ ਵਧਾਉਣ ਵਾਸਤੇ ਵਿਸ਼ਵਾਸ ਦਿਵਾਇਆ। ਬੀਡੀਪੀਓ ਦਫਤਰ ਦੀ ਸੈਲਫ ਹੈਲਫ ਗਰੁੱਪ ਦੀ ਇੰਚਾਰਜ ਜਸਵੀਰ ਕੌਰ ਨੇ ਵਿਸ਼ਵਾਸ ਵੀ ਦਵਾਇਆ ਗਿਆ ਕਿ ਜੋ ਵੀ ਸੈਲਫ ਗਰੁੱਪ ਦੇ ਅਧੀਨ ਜੋ ਵੀ ਕੰਮ ਕਾਰ ਅਤੇ ਕਿਸੇ ਤਰ੍ਹਾਂ ਦੀ ਵੀ ਕੋਈ ਮਦਦ ਦੀ ਲੋੜ ਹੈ ਤਾਂ ਅਸੀ ਹਮੇਸ਼ਾ ਹੀ ਤੁਹਾਡੇ ਨਾਲ ਖੜੇ ਹਾਂ । ਹਲਕਾ ਬਢਲਾਡੇ ਦੇ ਅਧੀਨ ਜੋ ਪਿੰਡ ਆਉਂਦੇ ਹਨ ਕੋਈ ਵੀ ਔਰਤਾਂ ਰੁਜ਼ਗਾਰ ਸ਼ੁਰੂ ਕਰਨਾ ਚਾਹੁੰਦੀ ਹੈ ਉਹ ਬੀਡੀਪੀਓ ਦਫ਼ਤਰ ਨਾਲ਼ ਸੰਪਰਕ ਕਰ ਸਕਦੀ ਹੈ। ਹਲਕਾ ਵਿਧਾਇਕ ਨੇ ਕਿਹਾ ਕਿ ਪਿੰਡ ਦੀਆਂ ਲੋੜਵੰਦ ਪਰਿਵਾਰਾਂ ਦੀਆਂ ਔਰਤਾਂ ਲੋੜ ਅਨੁਸਾਰ ਕਰਜਾ ਲੈ ਕੇ ਆਪਣਾ ਕੋਈ ਵੀ ਰੁਜ਼ਗਾਰ ਸ਼ੁਰੂ ਕਰ ਸਕਦੀਆਂ ਹਨ ,ਜਿਸ ਨਾਲ ਕਿ ਘਰ ਵਿੱਚ ਗਰੀਬੀ ਵੀ ਦੂਰ ਕੀਤੀ ਜਾ ਸਕਦੀ ਹੈ। ਜਸਵੀਰ ਕੌਰ ਨੇ ਐਮਐਲਏ ਬੁੱਧ ਰਾਮ ਦਾ ਧੰਨਵਾਦ ਕੀਤਾ, ਜਿਹਨਾਂ ਨੇ ਕਿ ਇੱਕ ਸੁਨੇਹੇ 'ਤੇ ਹੀ ਉਹਨਾਂ ਦੇ ਪਿੰਡ ਫੂਲਵਾਲਾ ਡੋਗਰਾ ਦੇ ਵਿੱਚ ਆ ਕੇ ਹੌਂਸਲਾ ਵਧਾਇਆ । ਤਿੰਨ ਦੁਕਾਨਾਂ ,ਦੋ ਦੁਕਾਨਾਂ ਪ੍ਰਚੂਨ ਦੀਆਂ ਇੱਕ ਦੁਕਾਨ ਚੱਪਲ ਦਾ ਪ੍ਰੋਜੈਕਟ ਲਗਾਇਆ ਗਿਆ ਜੋ ਕਿ ਸੈਲਫ ਹੈਲਪ ਗਰੁੱਪ ਦੀ ਮੈਂਬਰ ਗੁਰਮੀਤ ਕੌਰ ਪਤਨੀ ਧਰਮਪਾਲ ਸਿੰਘ ਤੇ ਸਰਬਜੀਤ ਕੌਰ ਉਹਨਾਂ ਵੱਲੋਂ ਇੱਕ ਰੁਜ਼ਗਾਰ ਸ਼ੁਰੂ ਕੀਤਾ।
