ਸਰਕਾਰੀ ਪ੍ਰਾਇਮਰੀ ਸਕੂਲ ਬੀਰੋਕੇ ਕਲਾਂ ਨੂੰ ਵੱਖ-ਵੱਖ ਦਾਨੀਆਂ ਨੇ ਦਿੱਤਾ 36100 ਰੁਪਏ ਦਾ ਦਾਨ
ਸਕੂਲ ਮੁਖੀ ਕਸ਼ਮੀਰ ਸਿੰਘ ਔਲਖ਼ ਅਤੇ ਸਟਾਫ਼ ਨੇ ਦਾਨੀ ਸੱਜਣਾਂ ਦਾ ਕੀਤਾ ਧੰਨਵਾਦ
ਗੁਰਵਿੰਦਰ ਸਿੰਘ ਚਹਿਲ,ਹੀਰੋਂ ਖੁਰਦ : ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਬੀਰੋਕੇ ਕਲਾਂ ਨੂੰ ਮਨਜੀਤ ਕੌਰ (ਭੋਲੀ) ਆਸਟ੍ਰੇਲੀਆ ਨੇ ਆਪਣੀ ਮਾਤਾ ਨਸੀਬ ਕੌਰ ਪਤਨੀ ਗੁਰਤੇਜ ਸਿੰਘ ਜੀ ਦੀ ਯਾਦ 'ਚ 20 ਹਜ਼ਾਰ ਰੁਪਏ,ਗੁਰਜੰਟ ਸਿੰਘ, ਕੁਲਵੰਤ ਸਿੰਘ ਅਤੇ ਹਰਬੰਸ ਸਿੰਘ (ਜਨਕ ) ਨੇ ਆਪਣੀ ਮਾਤਾ ਸਮਿੰਦਰ ਕੌਰ ਦੀ ਯਾਦ ਵਿੱਚ 15 ਹਜ਼ਾਰ ਰੁਪਏ ਅਤੇ ਸ਼ਿੰਦਰ ਸਿੰਘ ਪੁੱਤਰ ਨਾਹਰ ਸਿੰਘ ਨੇ ਆਪਣੀ ਮਾਤਾ ਦੀ ਯਾਦ ਵਿੱਚ 11 ਸੌ ਰੁਪਏ ਸਕੂਲ ਦੀ ਭਲਾਈ ਲਈ ਦਾਨ ਵਜੋਂ ਦਿੱਤੇ ਗਏ।ਸਕੂਲ ਮੁਖੀ ਕਸ਼ਮੀਰ ਸਿੰਘ ਔਲਖ ਅਤੇ ਸਾਰੇ ਸਟਾਫ ਨੇ ਇਸ ਨੇਕ ਕਾਰਜ ਲਈ ਇਹਨਾਂ ਦਾਨੀ ਸੱਜਣਾਂ ਅਤੇ ਬਾਬਾ ਸ਼ਾਂਤਾ ਨੰਦ ਧੰਨਵਾਦ ਕੀਤਾ ਜੋ ਲੋਕਾਂ ਨੂੰ ਸਕੂਲ ਦੀ ਭਲਾਈ ਲਈ ਪ੍ਰੇਰਿਤ ਕਰਦੇ ਹਨ।ਇਸ ਮੌਕੇ ਬਲਾਕ ਸੰਮਤੀ ਮੈਂਬਰ ਗੁਰਮੀਤ ਸਿੰਘ ਰੀਤੂ,ਜਤਿੰਦਰ ਸਿੰਘ ਬੱਬੂ ਅਤੇ ਅਧਿਆਪਕ ਰੋਸ਼ਨ ਸਿੰਘ ਵੀ ਮੌਜੂਦ ਸਨ।
